ක්‍රමය

මේක මේ අවකාශේ අපේ බෝ දාපු පින්තූරෙකට මම ලියපු එකක්....

ඕන නම් ගිහින් බලන්න කට්ටිය මේ එකම පින්තූරෙට දාපු කවි.



මා වටා
මා උපන් දා සිටම
වෙලී මා අඳුරු කර
කළුවරේ හිඳවූ
මට සිලිටි නැති
හතරැස් ක්‍රමය...

නුඹ තුලම
නුඹේ විලසින්ම
කවුලුවක් තැනුවෙමි

අඳුරේ සිට වුවද
දැන් මට හැකියි
නිදහසේ ඉම දකින්නට

අවැසි නම්
මට උවමනා විටෙක
නුඹ හැරදමා
සයුරේ පාවී
ක්ෂිතිජයෙන් එහා
මා කැමති අහසට
පනින්නටත්
හැකියි දැන් මට

© හරේෂ් එරංග ද සිල්වා
2008-09-28


෴