සංගීතය කියන එකට පැහැදිලි ඩෙෆිනිෂන් එකක් කවුරුවත් දීල තියෙනවද කියල මම දන්නෙ නෑ. මේ වෙනකොට කියවල තියෙන හැම ඩෙෆිනිෂන් එකක්ම තියෙන්නෙ එක රාමුවකට කොටු වෙලා. ඒ කියන්නෙ එක්කෙනෙක් උත්තර භාරතීය රාගධාරී සංගීතය යනු සංගීතය වේ කියල කියද්දි තව කෙනෙක් යුරෝපීය සංගීතය යනු සංගීතය වේ කියල කියනවා. ඔය හැම සංගීතෙකටම වඩා දකුණු ඇමරිකානු සංගීතෙ සංගීතෙ තමයි කියන කට්ටියකුත් ඇති.
ඔය ගොඩ දෙනෙක්ට තියෙන පොදු ප්‍රශ්ණෙ ඔය සංගීත නිර්වචනයෙදිත් එනවා.
අපේ එක චෝයි ඔයාගෙ එක කක්කි!
අපේ එක තමා හොඳ කියන එක අපේ ඔළුවට අමුණපු සර්කිට් බෝඩ් එකක්.
හැබැයි ඔය සර්කිට් ගලවල ටිකක් නිදහසේ හිතුවම සංගීතය කියන්නෙ අපි හිතනවට වඩා ලොකු එකක් කියල තේරෙන්න වැඩි කාලයක් යන එකක් නෑ. අපට ඒ සම්පූර්ණ ටිකම දැණෙන්නෙ නැති වෙන්න පුළුවන්. හැබැයි අනිත් මිනිහ අහන එව ගැන ඉවසන්න අපට පුළුවන් වෙනව එහෙම වුණාම.
සමහර විට අපි කවදාවත් කැමති වෙයි කියල හිතන්න බැරි සංගීතෙකට අපි කැමති වෙන්නත් පුළුවන් එතකොට.
ලංකාවෙත් සංගීතෙ කියල අපි දන්න කාලෙ ඉඳන් පවතින ධාරාවක් තියෙනවා. ඒක ඔය ඉස්සර කෝලම්, ටීටර් වල ඉඳන් චිත්‍රපටි ඔස්සේ ජෝතිල වික්ටර්ල හරහා ඇවිත් භාතිය සංතුෂ්ල ඉරාජ්ල ශිහාන්ලගෙනුත් පස්සෙ මේ වෙද්දි ඔය රුවන් හෙට්ටිආරච්චි වගේ කෙනෙක් ගාවට ඇවිත් තියෙනවා.
හැබැයි ඒ මේන් ස්ට්‍රීම් එක.
ඔයිට විකල්ප ස්ට්‍රීම් කීපෙකුත් තියෙනවා. කසුන් කල්හාර, නදීක ගුරුගේ වගේ අය එයිට විකල්ප වෙන ස්ට්‍රීම් එකක යනවා. ඇත්තටම ඒව විකල්පමයි කියල කියන්නත් බෑ.
ඔය ස්ට්‍රීම් කිව්වට ඒව මේ වෙන වෙන ම ගලාගෙන යන ඇල පාරවල් නෙවෙයි. මම කැමතියි ඒව වෙන් වෙන්ව ගලන ඒත් යම් අවස්ථාවලදි එකට එකතු වෙමින් ආයෙම වෙන් වෙමින් ගලන ඇල පාරවල් කියල හිතන්න.
හරි... බයිල නොගහ කියන්න ආපු වැඩේ කියඤ්ඤං!
ඉතිං ඔය කියපු ඇල පාරවල් අතරින් වෙනස්ම වුණ ඇල පාරවල යන සෙට් එකක් අප්‍රේල් 6 වෙනිද කොන්සර්ට් එකක් කරනවා. තියෙන්නෙ කොට්ටාවෙ මහල්වරාවෙ බේකරිය ගාව හවස 7 ඉඳන්!
ඒකෙ නම තමයි Down Town Pulse කියන්නේ. වැඩි විස්තර ඕන අයට පහලම දීල තියෙන සම්බන්ධතා පාවිච්චි කරල ඒ ගැන දැනගන්න පුළුවන්. ඒ වුණාට මුකුත්ම නොකියත් බෑනෙ.
ඩවුන් ටවුන් පල්ස්
2013 අප්‍රේල් 06 හවස 7 සිට
මහල්වරාව බේකරිය අසල
ගාස්තු කිසිවක් නැත
2013 අප්‍රේල් 06 හවස 7 සිට
මහල්වරාව බේකරිය අසල
ගාස්තු කිසිවක් නැත
මේක මේ පවත්වන්නෙ දෙවෙනි වතාවට. ගිය අවුරුද්දෙත් අපේ කට්ටියටම මේක ගැන ඔත්තුව ලැබුනෙ බොහොම කලින්. ඒ වුණාට අපි ඒක ගණං ගත්තෙ නෑ. මොකද සහභාගි වෙන සංගීත ශිල්පීන්ගෙන් කලින් නම හරි අහල තියෙන අය හිටියෙ කීප දෙනයි. ඒ වුණාට පස්සෙ ඒ ගැන විස්තර ඇහුවම නොගිය ගොන් කම ගැන කම්පා වෙන්න වුණා. ඒ නිසා මේ පාරනං අතාරින්න හිතක් නෑ.
මෙන්න මේ අය තමයි එදාට සින්දු කියන්නේ...
අමිල සහ ගිහාන් ප‍්‍රමුඛ HAPPY JOURNEY
ගීතදේව සහ ෂැගී සමඟ GHOSHA
ඉසුරු කුමාර සමග MIXMASTER BLONG
සරා සමග WANTED
සාක්‍යා සහ චරිත් සමග WAKHAN THANKA
අජිත් කුමාරසිරිගේ NO BAND WITH AJITH
මාධව සමඟ SKITZO
WESTනාහිර DRILL TEAM
O2 හෙවත් අම්ලකර
අපි කීප දෙනෙක් නම් සැට් වෙන්න පතාගෙන ඉන්නවා... හැකියාවක් තියේනං සංගීතෙ වෙනම විධියෙ අත්දැකීමක් විඳින්න කැමතිනං යන එකයි ඇත්තෙ ඕං...
ඩවුං වටුං පුල්සේ විස්තරේ මෙව්වයිං බලාගන්ට!
මූනත්තහඩු පුස්තකේ විස්තරේ
සංවිධායක විරාජ් අයියගේ මාධ්‍ය සාගජ්ජාව
කල්ට් ලියන ධර්මෙ අයියගෙ අටුවාව
කුරුළු නාදේ
ගූ ගල් පුල්සේ
ඔබ නළයෙන් ගලයි...
මටත් හිතයි!
ReplyDeleteහෙමින් සැරේ.. අපිත් යමු..
ReplyDeleteවරේවා!
ReplyDeletehare :-) said...
ReplyDeleteවරේවා!
is that a new word?
i just envy u guys. i have no chance for such a great event.
so we are waiting to see u guys feed back later.
At the head office now.
ReplyDeleteWarewa is an old word. I've seen it on sinhala comic books (chithra katha) in my childhood.
It's adding some sense of dignity to the word 'warew' such as 'niduk wewa, nirogi wewa' etc... ;-)
කොහොමද අයියා වැඩේ ලස්සනට ගියාද ??
ReplyDeleteවැඩේ එළ! ඉදිරියෙදි ලියඤ්ඤං :-)
ReplyDelete