අපේ තාත්ත සෑහෙන්න වැඩ කරනව. මේ වියපත් වයසෙදි පවා එයා නිකං ඉන්න කෙනෙක් නෙවෙයි. ගෙදර තියෙන සුළු සුළු වැඩවල ඉඳන් නොයෙක් වැඩ එයාට තියෙනව. එයා කරන වැඩ එක්ක බලද්දි මම එයින් දහයෙන් එකක්වත් කරන්නෙ නෑ. එක්කො පරිගණකය ඉදිරියෙ. නැත්නම් පොතක් බදාගෙන. මම ඒ ගැන කල්පනා කලාමයි හිතුණෙ ඒක බොහොමයක් දෙමව්පියන් සම්බන්ධයෙන් සාමාන්‍ය ඇත්තක් බව. අපේ අම්මල තාත්තල දැන් පවා කරන වැඩත් එක්ක අපට හැරෙන්නවත් බෑ.
හවස තාත්තයි මමයි ගියා බදුළු මහ රෝහලට තාත්තගෙ මිත්‍රයෙක් හම්බ වෙන්න. රෝහල් භූමිය තුල තියෙනවා ජනප්‍රිය ගෘහ විදුලි උපකරණ සමාගමක ජංගම අලෙවිසැලක්. අද මම ඒක දැකපු තුන්වෙනි දවස. මම දන්නෙ නෑ ඒක නිසා රෝහලට අමතර ආදායමක් ලැබෙනවද කියල. කොහොම හරි සනීප වෙලා ගෙදර යන ගමන් බ්ලෙන්ඩර් එකක්, ටෝස්ටරයක් වගේ දෙයක් ගෙදර අරන් යන්න කැමති රෝගීන් ඇති කියල මට හිතුණා.
අර අලෙවිසැල හුඟක් වෙලාවට රෝහල් සේවකයන් හඳහා තියෙන එකක් වෙන්න ඇති. පඩි දවස් වලට එනවා... රෝහල් වලට විතරක් නෙමෙයි වෙන රජයේ ආයතන වලටත් එනවා. "පහසු ගෙවීමට"
ReplyDeleteඉහික් ඉතිං ඔබතුමා මොනාද අර ගත්තේ?
ReplyDeleteසමහර විට ටෝස්ටර් වල අලෙවිය වැඩි කරගන්න රෝහලේ රෝගීන්ට රසවත් පාන් ටෝස්ට් දීමේ ප්‍රචාරණ වැඩ පිළිවෙලකුත් ඇති හරේ දන්නෙ නැති උනාට. එතකොට ඒ ටෝස්ට් රහ වැටිල ගෙදර යද්දි ටෝස්ටරයක් අරන් යනව ඇති.
ReplyDeleteහරේගෙ තාත්ත ගැන කියුවම මට මතක් උනේ අපේ ලොකු අම්මලව. අසනීපයකට බෙහෙත් ගන්න ඇවිත් අපේ ලොකු අම්මා කෙනෙක් මේ මෑතක් වෙනකම් අපේ ගෙදර නැවතිලා හිටියා. මේ ඉන්නවා..මේ නෑ. බලද්දි එක්කො මිදුල අතුගානවා..නැත්නම් වල් පැල උගුල්ලනවා.එයාලට නිකම් විවේකෙන් ඉන්නවා කියන්නෙ සෑහෙන අමාරු කාරියක්.
වයසක අය එක්ක අපිට හැරෙන්නවත් බැහැ. අපේ පැත්තේ තාමත් ඇඟ වෙහෙසන වැඩ කරන්නේ අවුරුදු 60 ට වැඩි අය විතරමයි. කොල්ලො එක්කො කොහේ හරි තැනකට වෙලා කියවන එක විතරයි කරන්නේ
ReplyDeleteමන් හිතන්නේ දොස්තර කිව්වොත් ටෝස්ට් පාන් කන්න, සුප් බොන්න වගේ දේවල් ඒව හදන්න උපකරන්ත් තියෙන්න එපායැ. ලෙඩා එක්ක යනගමන් ටවුමේ ඕවා ගන්න රස්තියදු උනෑකියෑ. ඒක නිසා ඕකත් සමජ සේවයක්
දෙමව්පියො සහ අපි ඇඟ මහන්සිකරවීම ගැන කියලා තියෙන කතාවනම් හරියටම හරි!
ReplyDeleteආ... බදුල්ලෙ මහරෝහලේ හාලිඇල පැත්තට වෙන්න පාරේ තියෙන තාප්පෙක ඉස්සරනම් ගහලා තිබුණා සිගරට්ටුවක් ඇඳලා බොන්න බොන්න කොටවෙනවා කියලා චිත්‍රයක්. ආ‍යෙත් ගියොත් බලන්න ඒක තවම තියෙනවද කියලා.
මමත් දෙන්නද උදාහරණයක්... අපි කන කඩේ. ඉන්නේ ඔක්කම වයස 65 ට වැඩි අය...ගානට වැඩේ කරගෙන යනවා හැබැයි ටිකක් පරක්කුයි තමා.. අපරාදේ කියන්න අපි වගේ තව 20 විතර දිනපතා එන කට්ටියක් ඉන්නව හරිම සුහදශීලියි එවගේම රසවින්දනය.. පරණ කතා ගොන්නක් එයාලා ලඟ තියෙනවා...
ReplyDelete