බල්ලාගේ ස්වාමීත්වය

මේක දැක්කෙ ජර්මන් ෂෙපර්ඩ්ල වෙනුවෙන් තියෙන පේජ් එකක. ඒත් බල්ලො ඉන්න කවුරුත් අඩු වැඩියෙන් එකඟ වෙයි.

1. වෙන බල්ලො අල්ලලා උන්ගෙ සුවඳ පිටින් ගෙදර එන්න එපා.

2. මට ඕන තැනක නිදාගන්න පුළුවන්. උඹ මගෙ ඇඟේ පැටලිල වැටුණට කරන්න දෙයක් නෑ.

3. මට නාන්න කතා කරන්න එපා.

4. මට ඕන වෙලාවට එළියට යන්න දීපං. මම මේ දැන් ගෙට ආවත් මට ඉව කරන්න බැරි වුණ තැනක් මිදුලෙ තියෙන්න පුළුවන්.

5. උඹ කන හැම එකක්ම මටත් ඕන.

6. උඹ ෆෝන් එකෙන් කතා කරද්දි මම බිරුවොත් 'ෂ්ෂ්ෂ්' ගාල අනං මනං සද්ද දාන්න එපා. හුළඟට කොළ හෙලවෙන සද්දෙ මට ඇහුණ වෙන්න පුළුවන්.

7. උඹ අතින් මොනව හරි බිම වැටුනොත් ඒක මගේ.

8. මම නැතුව උඹට කාමරෙන් එළියට යන්න පුළුවන් වෙයි කියල හිතන්න එපා.

9. මම උඹෙ ඇඳේ මැද හරහට නිදියද්දි මාව හොලවන්න එන්න එපා. උඹට ඇඳේ කෙළවරේ ඕන තරම් ඉඩ තියෙනවා.

10. මම නැතුව උඹට කවදාවත් තනියෙන් චූ කරන්න වෙන්නෙ නෑ.

11. උඹේ කැත සපත්තුවක් දෙකක් මට කන්න හිතෙන්න පුළුවන්. ඒකෙ අරමුණ අලුත් සපත්තුවලින් උඹ ලස්සන වෙනව දකින එකයි.