මධ්‍යප කවි

ලියන කවියක් හතරපද
ගණන් දැම්මේ කවුරුද
පහ හයක් තියෙන්න බැරිද
ගැලපෙන්න අවසන් අකුර
කියවෙන්න එක රටාවෙන්
ලියන්න ඕන කිව්වේ කවුද
වෙන අකුරු තියෙන්න බැරිද

ලොකු ඉඩක මිනිසුන් ගොඩක
හෙන පාලුවක් ඕයි මට
ඕයි කිව්වෙ තමුසෙට
කියවන තෝ කවුරු වුනත්
පාලුව දරන්න කරන්න
දේවල් නැතිව ඇත්තට
හෙනම අවුල් ඕයි ආයෙත් මට
වෙනදට එහෙම පාලුවට
සින්දුවක් අහන්න තිබුනා
යූටියුබේ කෑම ටුවර් යන
වීඩියෝ බලන්න තිබුනා
දැන් මෙතන බැහැ කරුමෙට

අනිත් උන් උන්ගෙම ලෝකවල
බුකියෙයි අරකෙයි මේකෙයි
සැරින් සැරේ ලොක්කට අවධානෙන්
මෙතන නිසඳැස් කොටනකොට
හතරපද නීති කැඩුවැයි
අවධානෙන් නොසිටියැයි
හිරේ දමයිද මාව
ඊළඟ සතියෙම උඹලට
තලු මරල රස විඳින්නට පුවතක්
ජනපතිගෙ කතාව මැද
කවි ලියල මිනිහෙක්
අමධ්‍යප රැස්වීමට ආවට
ඌ හොඳට බොනවලු
පහුවදා ඔලුව කැක්කුම හැදුනට
දෙරණ හිරු නෙත් ඇවිත්
ගෑණි අඬනව ලයිව් දෙයි
ගෑණි ඇඬුවොත්
අම්මල දෙන්නම අඬයි
එයාල අඬනව ගනියි
උන්ට ඇති ඒකත්
ප්‍රවෘත්ති හිට් කරගනියි
දඬුවම් නම් ගාණක් නැතිවෙයි
රිදුන තරමට ඉස්සර
රිදෙන්නෙ නෑ තවත්
නිශ්ක්‍රියයි මම එන්න එන්නම

මොකක්ද ඕයි මේ
පැත්තකට වෙලා
ජොබ කරගෙන හිටපු මම
මොන රෙද්දකටද
එන්න හිතුවේ මේකට
රෙද්ද
ඉන්නැතිව ගෙදර


https://youtu.be/vt1Pwfnh5pc

නිමිත්ත - ජනාධිපතිගේ ප්‍රධානත්වයෙන් සුගතදාස ක්‍රීඩාංගනයේ පැවති මත්ද්‍රව්‍ය නිවාරණය පිළිබඳ වැඩසටහනට රාජකාරි මට්ටමින් සහභාගි වන්නට සිදු විය.